Ońtústik Koreıanyń Phenchhan qalasy 1-shi aqpan kúni olımpıadashylarǵa «Olımpıadaǵa qosh keldińizder!» atty resmı shara ótkizedi, dep habarlaıdy Qamshy.kz aqparat agenttigi. 

Bul týraly atalǵan eldiń Olımpıada oıyndaryn uıymdastyrý komıteti málimdedi.  «Olımpıada qalashyǵyna qosh keldińizder! atty arnaıy is shara 1 aqpan, ıaǵnı beısenbide jergilikti ýaqyt boıynsha saǵat 14:00-de bastalady», - dep jazady Olımpıada oıyndaryn uıymdastyrý komıteti.

Al qazaqstandyq sportshylardyń alǵashqy legi 1 aqpanda Phenchhanǵa baryp ornalasa bastaıdy. Al sońy 7-shi aqpanǵa deıin jetip bolýy kerek.

Esterińizge sala keteıik, Qazaqstan quramasy Olımpıadaǵa 57 joldama jeńip aldy. Qazaqstandyq sportshylar sporttyń toǵyz túrinen synǵa túsetin bolady. Olımpıada oıyndary aqpannyń 9-25 aralyǵynda ótedi.