BQO-da búldirshinderdiń 99,9 paıyzy shaǵyn ortalyqpen qamtylǵan. Bul týraly qoǵamdyq keńes múshelerine bergen esebinde BQO ákimi Altaı Kólginov aıtty, dep habarlaıdy Qamshy.kz aqparat agenttigi.

– Eger 2016 jyly 24 qana jeke balabaqsha bolsa, qazir ol kórsetkish 43 balabaqshaǵa deıin kóbeıdi. Sonyń nátıjesinde 3 jastan 6 jasqa deıingi búldirshinderdi mektepke deıingi bilim berý mekemelermen qamtý 99,9 paıyzǵa. Degenmen, balabaqsha bizge áli de qajet. Bul baǵytta jeke kásipkerlerdi tartý arqyly memleket jáne jeke seriktestigi aıasynda jumystanatyn bolamyz.

Oblys mektepterindegi ystyq tamaqpen qamtamasyz etý kórsetkishi 95 prosentti qurady. Inklúzıvti bilim berý múmkindigi shekteýli balalardyń 61 prosentin qamtydy. Internetke oblystyń 380 mektebi tolyq qosylsa, onyń 330-y keńjolaqty ınternetpen qamtylǵan, – dedi oblys ákimi Altaı Seıdiruly.

Oblystaǵy mektepterde 12 200-den astam muǵalim jumys isteıdi. Degenmen, 38 muǵalim jetispeıdi. 2017 jyly alǵash ret jergilikti búdjet esebinen 190 mektep túlekterine bilim granty berildi. Sonyń ishinde bolashaq muǵalimderge 66 grant bólindi.

Bıyl bilim salasynyń jańartylǵan baǵdarlamasyna sáıkes, bastaýysh jáne orta synyp muǵalimderiniń jalaqysy 30 paıyzǵa deıin kóterilmek.