«Tarıh qaıtalanady» degenge taǵy bir kózim jetip otyr. Keshegi ınternasıonalızm – toleranttyq túsinigine, KÚN kósem (Ilıchtiń jaryǵy desek te bolady) – NUR uǵymyna aınaldy. Sózdiń syrtqy maǵynasy ǵana demeseńiz mazmuny ózgermegen sekildi. Muny matematıkada qosylǵyshtardyń oryny aýysqanmen, qosyndy ózgermeıdi deýshi me edi, qalaı edi ózi?

Aıtqymyzdyń kelgeni bul emes edi dúr...

Burnaǵyny tizbegende, meshin jyly meshel halge túsip qaljyrap turǵan qazaqty repressıa jaraqaty reanımasıadan biraq shyǵardy. Qazir de qazaq jansaqtaý bóliminde (ómir men ólim arasynda) jatyr. Qatty soqqydan qyrýar qan joǵaltqan bul mıláttiń mıy shaıqalyp, tili kúrmeldi (Óz tilimiz ben dilimizden ózimiz jerigen búgingi beıshara beınemiz sonyń saldary). Endeshe esinen tanǵan qazaqtyń ajalyna arasha, qany men janyna donor bolar jankeshti azamattar qajet-aq shirkin!..