Qaster Sarqytqan

               ***** Bir ǵasyrǵa jýyq kórip jaryqty, Qanshama jyl basqaryp ed halyqty. Muhıtyna erkin júzgen dáýlettiń, Patshany ajal jetip, alypty.   Talǵamynyń bıigime, qatesi, Otyz áıel jesir qaldy ertesi. Qyryq mlrd. jıǵan eken tirlikte, Jeti ul men on bes qyzdyń ákesi.   Tek qurmetpen kómkerilgen ǵumyry, Qulap tyndy, jalǵan bolyp tuǵyry. Atsyz beıit núkte bolyp qalqaıdy, Sekildenip báıterektiń tuǵyly. ***** Kimge málim qandaı, qansha tatary, Juldyzynyń jarqyraýy, batary. Bir jas jigit máńgilikke attanyp, Dostarynyń sırep edi  qatary.   Ómir boıy eńbegimen eti ólgen, Bir bólmeli páter tıip "ótelgen". Baıtaq qazaq dalasynyń  muńyn ol, Aıadaıyn bólmesinde kótergen.   Bula qyrdyń, órshil minez bulany, Ulty bolǵan ǵumyrynyń urany. Qaldy artynda baılyq emes, muraty, Jalǵyz ǵana jary menen ulany. ***** Bir muńly jyr bastalatyn áldıden, Shyǵaryp ta  salady eken pánıden. Ǵarysh jaqtan kelip-ketip jatqandaı, Sáýle kórem júregimmen ár úıden.   Sondaı sáýle ushyp shyqty saraıdan, (Saraılarda qalyp edi talaıdan). Eski úıden uzap ketken  sol sáýle, Barlyǵy da jaralǵan bir araıdan.   Dúnıede  ómir-ólim tel eken, Ómir -esik, jaqsy ólimi - tór eken. Patsha da, azamatta eli úshin, Eńbek etse, táńir aldy teń eken.