«Ksell» koll-ortalyǵyna keletin qońyraýlardyń 40 myńǵa jýyǵyn nemese 60%-yn robottar qarastyrady. Bul kanal arqyly kórsetiletin servıs deńgeıi 40%-ǵa artty, al klıenttiń máselesin alǵashqy qońyraýdan-aq sheshý kórsetkishi 50% boldy. Buǵan qosa, kompanıanyń keıbir ónimderin robottar sata bastady, dep habarlaıdy Qamshy.kz aqparat agenttigi. Tipti, mundaı saýdanyń kólemi arnaıy bólim atqaratyn jumysqa para-par.

2017 jyldyń tórtinshi toqsanynyń qorytyndysy boıynsha «Ksell» bıznes-ónimder portfelinde IT men digital bıznes-sheshimderdiń úlesi 54 paıyz boldy. Olardyń arasynda «Kcell Bult», «IT-ınfraqurylym», Big Data negizindegi mobıldi marketıń ónimderiniń jelisi jáne Zattar ınterneti (IoT) bazasyndaǵy sheshimder bar.

Bıyl kompanıa digital-qyzmetterdi damytýdy eń joǵarǵy basymdyq retinde qarastyrýdy jalǵastyrady. Jaqyn arada M2M-qyzmetter provaıderlerine ýaqyt pen qarajatty únemdeýge múmkindik beretin SIM-kartalardy basqarý platformasy iske qosylady. Sonymen birge kompanıa Zattar ınterneti (IoT) salasynda jańa sheshimderdi naryqqa shyǵarýdy jáne Big Data bazasynda qyzmetter portfelin aıtarlyqtaı keńeıtýdi josparlap otyr.