Nazarbaev zıatkerlik mektebine  qabyldaý úshin usynylǵan nusqaýlyqta qazaqstandyq reper MC Saılýbek týraly jarıalanǵan mátin jurtty dúrliktirgen bolatyn.  Ol ózi týraly aqparattyń oqý materıalynda jazylǵanyna qarsy bolǵandardyń pikirine mán bermeıtindigin aıtty, dep Qamshy.kz aqparat agenttigi Today.kz málimetine súıene otyryp jazady. 

MS Saılaýbek kitapsha týraly pikirtalasty áleýmettik jeliden bilgenin aıtady.

«Ózgelerdiń pikirine mán bermeımin. Qaralaıtyndar men qaskóıler óte kóp, biraq olardyń pikirine túkirgenim bar. Biraq maǵan qoldaý kórsetkenderge alǵysym sheksiz. Oqýlyqta men týraly jazylǵanyna qýanyshtymyn. Kitapty oqıtyn jastaǵy jastar meniń tyńdarmandarym», deıdi Saılaýbek.

Reperdiń prodúseri Aslan Bahytjanov oqýlyqta aıtylǵan Saılaýbekke qarsy pikirler jóninde alańdaıtynyn jáne MS Saılaýbektiń kitapshada aty atalǵandyǵy durys bolǵanyn aıtady. «Saılaýbektiń esimi BAQ-ta atalyp júrgeni jaqsy. Óıtkeni 2017 jyly biz týraly eshqandaı jańalyq bolmaǵan. Al endi Saılaýbekti taǵy da aıta bastady. Ony synaýshylar 2015 jyldyń basynda kóp edi»,- dedi ol.

Saılaýbek 2018 jylǵa keremet jospar qurǵan. «2018 jyly úılenetin oıym bar. Bul meniń armanym. Kelinshekter kóp bolǵanmen, qaısysyn tańdarymdy áli bilmeımin. Núkte qoıylǵan joq, tek útirler ǵana. Meni qattyraq súıetin áıelge úılenem, sebebi biz uzaq ýaqyt birge ómir súrýimiz kerek. Maǵan turmysqa shyqqysy keletin kelinshekterdiń sany jeteý, olardyń jastary 20 men 35 jastar shamasynda. Meniń jasym 40-ta. Jurtqa tanymal bolmaı turǵanda meni unatatyn áıelder bolmady, al qazir mine bar» dedi reper.

Saılaýbek Qytaıda beıneklıp túsiretindigin aıtty. «Áýenin ózim jazdym. Án meniń óz tilimde bolady», dedi ol.