Qazaqtyń kásipqoı bokstaǵy kópshilikke tanymal qyrandary, ıaǵnı Qanat Islam men Janqosh Turarov qaıtadan AQSH-qa ushyp kelip, Florıda shtatynda jattyǵý jumystaryn bastady.

Bıyl 30 jastaǵy Qanat Islam men 24 jastaǵy Janqosh Turarov kásipqoı boks rınginde tórt jekpe-jekten ótkizýdi josparlap otyr. Ekeýiniń chempıondyq ataq pen belbeý úshin ótkizetin jekpe-jekterin myńdaǵan jankúıerler men fanattar taǵatsyz kútýde. Esterińizge sala keteıik, eki boksshymyz da – Latyn Amerıkasy men Karıb baseıni elderiniń qurlyqtyq chempıondyq belbeýleriniń ıegerleri.

Eki boksshymyzdyń da jankúıerleri men fanattarynyń ıgi tilekterin olardyń áleýmettik jelilerdegi paraqshalarynan oqýǵa bolady. Bári de qos boksshymyzdy qoldap, júrekjardy tilekterin jaýdyrtýda.

Qanat Islamnyń laqap aty – "Qazaq". Alaıda is júzinde halyq ony "Qazaq batyry" dep ataıdy. Al Janqosh Turarovtyń fanattary oǵan "Shyńǵys Han" dep aıdar taqsa, bazbireýleri "Mustafa" dep atap júr.

Sonymen Qanat pen Janqosh Florıda shtatynda jattyǵý jumystaryn basta ketti. Biz olardyń qazaq halqyn qýantyp, jeńiske jete berýlerine tilektespiz.

Derekkóz: "Alash aınasy"