Qytaıda birneshe júz ımam Shyńjań avtonomıalyq aýdanynyń ortalyq alańynda fleshmob uıymdastyrdy, - dep habarlaıdy Qamshy.kz portaly World Bulletin-ǵa silteme jasaı otyrym.

Imamdar májbúrli túrde ortalyq alańǵa shyǵyp, dúıim jurttyń aldynda bı bılep, "bizdiń ilimimiz Allahtan emes" dep uran salǵan.

Shyńjań shyǵystaǵy musylmandar kóp shoǵyrlanǵan aýdan. Alaıda aqpannyń 9 kúni aýdannyń barlyq ımamdary birdeı kıinip, ortalyq alańda eriksiz bıleýge, "bizdiń ilimimiz Allahtan emes" degen urandar kóterýge májbúr bolǵan. Sondaı-aq, Shyńjańdaǵy ımamdar bılik ókilderine endi jastarǵa dindi oqytpaýǵa ýáde berip, an-sý ishken. Jáne alańǵa jınalǵan ımamdar qulshylyq tánge de, rýhqa da zıan dep urandaǵan.

Qytaıdyń memlekettik aqparattyq agenttikteri Shyńjań ımamdary erikti túrde ortalyq alańǵa jınaldy. Olardyń maqsattary atalmysh flesh-mob arqyly Qytaıdyń memlekettik saıasatyn qoldap, jahandaný jolynda jastarǵa úlgi kórsetti dep jazady.

Imamdar kótergen urandarda "Eldegi tynyshtyq tek yntymaqtyń arqasynda keledi" delingen.

Sondaı-aq, dúıim jurttyń aldynda sóz alǵan ıamamdar: "Jastar, meshitterden aýlaq bolyńdar, sebebi qulshylyq, namaz densaýlyqqa, jastardyń sanasyna zıan." degen. Salaýatty ómir salytynyń naǵyz úlgisi bı degen ımamdar ortalyq alańda osylaısha jastarǵa úlgi kórsetpek bolǵan.

Shyńjańnyń soltústik-batysyndaǵy túrkitildes musylmandardyń sany 8 mıllıonnan asyp jyǵylady.

Eraly Rahmetqojaev