Qaraǵandyda jergilikti bılik aýdanǵa Álıhan atyn berýge daıyn dep habarlaıdy Qamshy.kz aqparat agenttigi jergilikti BAQ-qa silteme jasaı otyryp.

Qaraǵandydaǵy Oktábrskıı aýdanynyń ataýyn Álıhan Bókeıhanov dep ózgertý máselesi 2016 jyly da kóterilgen. Osyǵan deıin jergilikti bılik osy máseleni talqylap, durys burysyn tarazylap keledi.

— Biz Qaraǵandy oblysyndaǵy Oktábr aýdanynyń atyn ózgertýdi qoldaımyz jáne bul oıymyzdy ákimshilikke aıtqan bolatynbyz. Bul másele ákimshilikte qaralyp, talqylanatyn bolady. Biraq olardyń qashan sheshim shyǵaratyny belgisiz. Alaıdy aýdannyń ataýyn ózgertkennen keıin kishi jáne úlken bıznes ıeleri qarjylyq qıyndyqtarǵa ushyraıdy, - deıdi Oktábr aýdany ákimi Satlek Abdykalykov.

Satlek Abdykalykovtyń aıtýynsha, basqa qarapaıym turǵyndarda qarjylyq qıyndyqtar bolmaıdy. Sebebi olardyń meken jaıynda aýdannyń aty kórsetilmegen, tek qala men turǵylyqty meken-jaıy belgilengen.

Aýdannyń ataýyn ózgertýge baılanysty saraptamalyq jumystardan keıin, barlyq qujattar qaladaǵy Halyqtyq keńeske jóneltiledi. Keıin Qaraǵandyda ashyq tyńdaý ótip, sheshim shyǵarylady.