Áleýmettik jelide «Qalaýlym qasireti» atty Taǵaıbek Turysbektiń óleńi qyzý talqyǵa tústi dep jazady Qamshy.kz aqparat agenttigi. Atalǵan shoý-baǵdarlama týraly túrli pikir bar. Tanymal ánshi Sáken Maıǵazıevtiń baǵdarlama týraly pikirinen keıin óner adamdarymen birge áleýmettik jeli qoldanýshylary da ashyq pikir bildire bastady. 

Qalqasynda qalyp qoımaı mazaqtyń,

Maqsatymyz ar-uıatty azaıtpaý.

Qyryq úıden tyıym kórmeı qazaqtyń

Qyz Jibegi Tólegenge sóz aıtty-aý.

Biri oısyz, biri qyzba, ushqalaq,

Qaraý sirá múmkin emes shoshymaı.

Bizdiń qazaq bet jyrtysyp úsh saǵat

Qalaýlysyn izdep pe edi osylaı?!

Tek tanylý shirkinderdiń oıymy

Elemeıdi artsa daǵy kim kiná

Qundylyqty qurban etken táıiri,

Mynandaı shoý qajet pa edi ultyma?!

Tárbıemen tálim bolmaı ózekte,

Qurdy myna qumar pende qorlanyp.

Qara bastyń qamyn kúıttep boz ókpe

Nar alashtyń muńyn qaıtsin tolǵanyp?!

Joly kóp qoı ult azyǵyn tonaýdyń,

Al tonalsa basshylardyń kinási-aý.

Bireýlerdiń saıasaty Qalaýlym,

Bireýlerdiń qurbandyǵy myna shoý.

Ózi indet bolyp kelgen, ózi daý,

Ketse eken sor «Qalaýlym» tórimnen.

Kónbis qazaq kóndikse de qajydy-aý,

Ekrannan essizdikti kórýden.

Janymyzdy jaqsylyqpen jylytpaı,

Júıkemizge tıe berer muńdy yzǵar.

Uly dala zańyn sirá umytpaı,         

Ultty oılaıtyn azaımasyn ul-qyzdar.

Eske sala ketsek, «Qalaýlym» baǵdarlamasy 25 sáýirge deıin jabylady degen aqparat áleýmettik jelige jarıalandy. Alaıda «Eýrazıa» birinshi telearnasy bas dırektorynyń orynbasary, eks-senator Svetlana Jalmaǵambetova «Qalaýlym» baǵdarlamasynyń jabylmaıtyn aıtqan bolatyn.