Volgograd oblysynyń turǵynyna 9 aılyq balasyn óltirdi dep aıyp taǵyldy, dep jazady Qamshy.kz aqparat agenttigi. 

«26 jastaǵy Frolovo turǵynynyń ústinen qylmystyq is qozǵaldy. Oǵan óziniń  9 aılyq balasyn óltirdi degen aıyp taǵyldy», — delingen Reseıdegi tergeý komıtetiniń habarlamasynda. 

Reseılik tergeýshilerdiń aıtýynsha, kúdikti áıel 1 naýryzda balasymen Volgogradqa kelgen. Osy jerde páter jaldap, úsh kúnnen keıin sábıin tunshyqtyryp óltirip, onyń máıitin qoqys jáshigine laqtyryp, basqa qalaǵa ketip qalǵan. Qazirgi ýaqytta polıseıler náresteniń denesin izdestirip jatyr.

Áıeldiń anasy qyzynyń joǵalyp ketkenin polısıaǵa habarlaǵan. Tártip saqshylary qylmystyń betin ashyp, áıeldi tutqyndaıdy. Ol óz balasyn óltirgenin moıyndady.