Sot-medısınalyq saraptamasy OQO Saryaǵash aýdany Abaı aýlynyń 1-synyp oqýshysyna qatysty  zorlyq áreketerine  ushyraý faktisin anyqtaǵan joq. Ońtústik Qazaqstan oblysynyń sot sarapshylary balanyń denesinen eshqandaı zaqymnyń izderin tappaǵan dep habarlaıdy. Qamshy.kz aqparat agenttigi Sputnik Kazahstan-ǵa silteme berip.

Aıta keteıik, OQO Abaı aýlynyń 62 jastaǵy turǵyny óziniń qaraýyndaǵy birinshi synyp oqýshysynyń seksýaldy zorlyqqa ushyraǵanyn habarlaǵan. 12 qańtarda ol nemeresin  13 jastaǵy mektep oqýshysy zorlady degen shaǵymmen polısıa aryzdanǵan.

  «Byltyrǵy jyldyń tamyzynda balanyń apasy AİİB-ǵa baryp nemeresiniń soqqyǵa jyǵylǵanyn aıtqan. Alaıda qyzmetkerler jalǵan aqparat taratýdyń jaýapkershilikke alyp keletinin eskertken soń, áıel óziniń aryzyn qaıtyp alǵan. Keıinnen 12 aqpanda balanyń apasy taǵy bir ret aryz jazyp,  mekteptiń 6,7 synyp oqýshylary (baýyrlar) onyń nemeresin zorlaǵanyn aıtqan. Osydan keıin tergeý áreketteri júrip, arnaıy komısıa qurylǵan»,-deıdi Saryaǵash aýdany bilim bóliminiń tóraǵasy Baýyrjan Maırıhov.

Ol balanyń apasynyń sózderin tekserý maqsatynda mekteptegi sabaqtar kestesin, vıdeo baqylaýlardy kórip, mektep dırektorymen jınalys ótkizgen. Alaıda B. Maırıhov onyń sózderin shyndyqqa janasymdy emes ekenin alǵa tartyp otyr.

Sonymen bire B.Maırıhov  mekteptiń joǵarǵy synyp oqýshylary 62 jastaǵy áıeldi sotqa bermekshi bolyp jatqanyn atap ótti. Tipti, osy jaǵdaıǵa baılanysty qatty alańdap, tolqyǵan oqýshylardyń biriniń ákesi osydan birneshe kún buryn kóz jumǵan.