Bilim jáne ǵylym vıse-mınıstri Bıbigúl Asylova 7 jastaǵy OQO turǵynyna qatysty sot-medısınalyq saraptama 2018 jyldyń aqpan aıynda jasalǵanyn habarlady, dep jazady Qamshy.kz aqparat agenttigi tengrinews.kz-ke silteme jasap.

«Bizde departamenttiń resmı málimeti bar, biraq ony jarıalaı almaımyz. Onda balalardyń jeke derekteri bar. Bul – sot-medısınalyq saraptama. Ońtústik Qazaqstan oblysy bergen resmı qujat», - dedi Bıbigúl Asylova.

Saraptamanyń aqpanda júrgizilgenin QR BǴM Balalar quqyǵyn qorǵaý komıtetiniń tóraǵasy Nurbek Orshybekov te rastady.

Vıse-mınıstr jaǵdaı vedomstva baqylaýynda ekenin aıtty.

«Alǵashqy ótinish 15 aqpanda keldi. Sol ýaqyttan beri bizdiń komıtet OQO bilim departamentimen baılanysta. Ótinish bilim basqarmasynan kelip tústi» dedi Asylova.

Vıse-mınıstr vedomstvanyń kesh aqparattanǵany bilim departamentiniń jaýapkershiliginde ekenin aıtty.

«Barlyq saraptama júrgizilip bolǵannan keıin bul máseleni jaı qaldyrmaımyz», - dedi vıse-mınıstr.