«Bolashaq» halyqaralyq stıpendıasyn iske asyrý boıynsha keıbir sharalar týraly» Qazaqstan Respýblıkasy Bilim jáne ǵylym mınıstriniń 2018 jylǵy 6 naýryzdaǵy № 86 buıryǵyna sáıkes 2018 jylǵy «Bolashaq» halyqaralyq stıpendıasyn taǵaıyndaý konkýrsyna qatysý úshin qujattardy qabyldaý jáne konkýrsty ótkizýdiń kelesi merzimderi bekitildi:

• qujattardy qabyldaý – 2018 jylǵy 19 naýryzdan bastap 31 tamyzǵa deıin;

• konkýrs ótkizý – 2018 jylǵy 26 ​​naýryzdan bastap 20 qazanǵa deıin.

Sonymen qatar, osy jyly «Bolashaq» halyqaralyq stıpendıasyn taǵaıyndaý konkýrsyna qatysý úshin qujattardy qabyldaýǵa qatysty normatıvtik quqyqtyq aktilerge birqatar ózgertýler men tolyqtyrýlar engiziledi.

ATAP AITQANDA, QAZİRGİ ÝAQYTTA «ÓZ BETİNSHE TÚSKENDER» SANATY ÚSHİN BAKALAVR/MAMAN DIPLOMYNYŃ ORTASHA BALYNA QOIYLATYN TALAPTYŃ 3,0GPA-GE DEIİN (4.0/4.33-DEN) TÓMENDEÝİNE QATYSTY ÓZGERİSTER USYNYMY QARASTYRYLÝDA.

Sonymen birge, buryn taǵaıyndalǵan stıpendıany paıdalanbaǵan jáne oqýǵa nemese taǵylymdamaǵa kirispegen tulǵalarǵa, Ortalyq aldynda bereshegi bolmaǵan jaǵdaıda, «Bolashaq» halyqaralyq stıpendıasyn taǵaıyndaý konkýrsyna qatysýǵa bir rettik múmkindik beriledi.