«Astana EKSPO-2017» UK» AQ Astana qalasy ákimdigimen birlese otyryp, 21 naýryzda saǵat 13.00-de jáne 22 naýryz saǵat 10.00-de bastalatyn aýqymdy mádenı oıyn-saýyq baǵdarlamasyn ázirledi. EKSPO kórme kesheniniń aýmaǵynda Etnoaýyl uıymdastyrylyp, onda kelgen qonaqtar ulttyq oıyndar saıysyna qatysyp, dástúrli taǵamdardan dám tatyp, qazaq mádenıeti murajaıyn, tazy men tóbetter kórmesin tamashalaı alady.

Odan bólek, EKSPO týrısik aımaǵy nysandary sizder úshin qarańǵy túskenshe jumys isteıtin bolady. «Nur Álem» — «Bolashaq energıasy» murajaıy men Úzdik tájirıbeler aımaǵy saǵat 21.00-ge, EKSPO muz aıdyny 23.00-ge deıin jumys istemek.

Kórme aıaqtalǵannan keıin týrısik aımaqtaǵy EKSPO-2017 murasynyń eń mańyzdy nysany, sózsiz, «Nur Álem» pavılon-murajaıy bolyp tabylady. Ol 2017 jylǵy qarashada erekshe qorǵalatyn memlekettik sáýlet nysany bolyp tanyldy.

Sondaı-aq, «Nur Álem» sheteldik BAQ-ta elordamyzdyń jańa sımvoly Astananyń eń jıi eskeriletin týrısik nysany qatarynda. Sarapshylardyń sózine súıensek, «Bolashaq energıasy» murajaıy Parıjdiń Eıfel munarasy jáne Londonnyń Hrýstaldy saraıy sıaqty Qazaqstannyń belgili kórikti nysanyna aınalý múmkindigi zor.

Úzdik tájirıbeler aımaǵy – EKSPO-2017 sımvolıkalyq ortalyǵy. Onda eń úzdik tehnologıalar, jobalar men ártúrli energetıka salasyndaǵy strategıalar usynylǵan. Onda ónerkásipte, elektrqýatyn saqtaý men qoldaný, klımattyń ózgerýimen kúres nemese damýshy elderde elektrenergıasymen qamtamasyz etý joldary qarastyrylǵan.

Kórme kesheniniń mańynda Kongres-ortalyǵy ornalasqan. Kongres-ortalyǵy aýqymdy mádenı oıyn-saýyq sharalar, taqyryptyq forýmdar men konsertter ótkizýge barlyq múmkindikter qarastyrylǵan.

Energıa holy - kameralyq konsertter, óner toptarynyń qoıylymdary  úshin joǵarytehnologıalyq dybystyq qurylǵylarymen jabdyqtalǵan, kópfýnksıaly sahna alańy.

Budan bólek, EKSPO-2017 aýmaǵynda kelýshilerdiń jaılylyǵy úshin 1000 avtooryndyq jerasty turaǵy qarastyrylǵan. Turaq táýlik boıy jumys isteıdi.