Atalmysh fılm Taldyqorǵan qalasynda túsirilip, eki jastyń arasyndaǵy mahabbat hıkaıasyn baıandaıdy. Týyndynyń maqsaty osy uly sezim arqyly qalanyń ádemi sáýlet qurylysyn kórsete otyryp, qazirgi tańda qoǵamdaǵy mańyzdy máselelerdiń birin qozǵaý. Bul týraly Óńirlik komýnıkasıalar qyzmeti alańynda belgili boldy.
«2016 jyly túsirilgen fılm Shora men Láılá arasyndaǵy ǵashyqtyq sezimin basty nysanǵa alǵan. Atalmysh týyndyǵa memleket tarapynan eshqandaı qarajat ketpedi. Oǵan «Jetisý» telearnasy men Almaty oblysynyń ishki saıasat basqarmasy qoldaý kórsetti. Akterlik quramǵa keletin bolsaq, medıa salasyndaǵy qyzmetkerler men qala turǵyndary, sondaı-aq, B.Rımova atyndaǵy drama teatrynyń birneshe óner maıtalmandary kınoǵa tústi», – deıdi fılminiń rejıseri Ýshakpaev Erlan.
Sonymen qatar, basty róldi somdaǵan Satqulov Bahtıar da túsirilim kezindegi daıyndyǵy jaıly aıtyp ótti.
Búdjet qarjysyna salmaq salynbaı túsirilgen týyndy qalanyń jańa kelbetin, tynys-tirshiligin, jastar ómirin kórsetýge baǵyttaldy. Basty rólderdi Bıken Rımova atyndaǵy oblystyq drama teatrynyń akterlary men áriptesimiz, jańalyqtar júrgizýshisi Aızada Jaqsybek somdady. Fılm avtorlary jýrnalıs boıjetkenniń ómiri arqyly oblys ortalyǵynyń bar kórkin, ondaǵy mahabbat pen satqyndyqty, dostyq pen ázildi kórermenge jetkizýge tyrysty. Jas rejıserler Erlan Ushaqpaev pen Danıar Mustafaevtyń tyrnaqaldy týyndysy barlyq býyn kóńilinen shyǵady degen senimde.
Erlan Ushaqpaev, rejıser:
- 2017 jyly kóptegen ǵımarattardyń qurylystary aıaqtaldy. Fılmge osy ǵımarattardy tolyqtaı túsirip alyp, neǵurlym ádemilep kórsetý maqsat boldy. Osy kúnge deıin sozylǵany da sol. Basty maqsat - qalamyzdy kórsetý. Qazir Taldyqorǵan kórkeıip, órkendep kele jatqan jas qalalardyń biri, - dep atap ótti.
Kınoǵa kásibı akterlar túsirilmegendikten jáne ózim de óner salasyna jaqyn bolmaǵandyqtan, berilgen róldi somdaý jeńil bolmady. Oǵan daıyndalý úshin de bir aıǵa jýyq ýaqyt ketti. Alaıda, jumys barysy óte qyzyqty boldy. Ózimdi jańa qyrynan tanydym dese de bolady, – dedi ol.
Komedıalyq drama janrda jaryqqa shyqqan týynda bastan aıaq Taldyqorǵan qalasynda túsirilgen. Jigit pen qyz arasyndaǵy mahabbat hıkaıasy da osy shaharda órbıdi. Týyndynyń «Taqıaly perishtemen» uqsastyǵy bar. Onda Ámına Ómirzaqova ózine kelin izdese, bul dramada Kendebaı Temirbaıuly kúıeýbala qarastyrǵan ákeniń obrazynda. Al, oń bosaǵada otyryp qalǵan fılmniń basty keıipkeri Láılá jigittiń tóresin izdeıdi. Sóz aıtyp, kóńil bildirgen jigit Shorany túrli synaqtyń astyna alady.
Fılm jelisi búgingi tańdaǵy ózekti máleleni alǵa tartady, ıaǵnı, qyzdardyń ýaqtyly otbasyn qurmaýy. Basty róldegi Láılá esimdi qyzdyń taǵdyr tartysy, onyń erler qaýymyna ókpeleýi, kúmándi bolýy beınelengen. Osy jolda aldynan senimdi serigin kezdestirip, ony túrli joldarmen synaý da bar.
Týyndynyń alǵashqy kórsetilimi naýryzdyń 19-shy juldyzynda İ.Jansúgirov atyndaǵy mádenıet úıinde, saǵat 19:00-de ótedi.
Eki saǵatqa sozylatyn týyndy belgili bir shyǵarma jelisi boıynsha túsirilmegen. Barlyq keıipkerler oıdan quralǵan. Shyǵarmashylyq toptyń basty maqsaty - kórkeıip, ósip-órkendep kele jatqan Taldyqorǵan qalasynyń kórikti jerlerimen, ári aımaq aınasyna aınalǵan telearnanyń tynys-tirshiligimen tanystyrý. Kınokartına kezinde kórermen kózaıymy bolǵan «Taqıaly perishte» fılmimen úndes deýge de bolady. Onda astarly oı, tushymdy pikirler kóp. Qoıýshy rejıser Erlan Oshaqbaevtyń aıtýynsha, týyndyǵa búdjet qarjysy bólinbegen.
Aıta keteıik, kınony túsirýdegi basty maqsat – Taldyqorǵannyń kórikti jerlerin el nazaryna usynyp, Jetisýdyń kórkem tabıǵatyn kórsetý. Jýrnalıser úıi men ondaǵy tilshilerdiń qarbalas ómiri sýrettelgen fılm 2016 jyly taspaǵa túsken. Fılmniń prodúseri Beısen Quranbek, rejıserleri Erlan Ýshakpaev pen Danıar Mýstafaev. Al, basty rolderde Aızada Jaqsybek pen Baqtıar Satqulov.
Túsirilim bir aı shamasyna sozylǵan.
