Seısenbi kúngi Qazaqstan qor bırjasyndaǵy (KASE) saýda-sattyqtyń tańerteńgilik sesıasynda AQSH dollaryna shaqqandaǵy teńgeniń ortasha baǵamy 1 dollarǵa 320,16 teńgeni qurady, dep habarlaıdy Qamshy.kz aqparat agenttigi KASE-ge silteme jasap.
Dúısenbi kúngi saýdamen salystyrǵanda dollar baǵamy 0,99 teńgege tómendegen. Sesıa barysynda eń tómengi kýrs 1 dollarǵa 320 teńge, al eń joǵarǵysy 320,7 teńge deńgeıinde bolǵan. Saýda kólemi 83,9 mln dollarǵa jetti. Keshe dollardyń ortasha baǵamy tańǵy sesıa qorytyndylary boıynsha 1 dollarǵa 321,15 teńge, kúndizgi sesıada — 320,18 teńge, eki sesıanyń qorytyndylary boıynsha 320,6 teńge bolǵan. Saýdanyń jalpy kólemi 137,05 mln dollardy qurady.
