Búgin Almaty oblysynyń ákimi Amandyq Batalov «Jetisý» KFK fýtbolshylarymen, jattyqtyrýshylarymen kezdesti. Kezdesý barysynda oblys ákimi komanda fýtbolshylaryn ótken kezeńdegi sátti qadamdarymen quttyqtap, aldaǵy ýaqytta da jankúıerlerin jarqyn jeńistermen qýandyra berýlerine tilektestigin bildirdi, dep habarlaıdy Qamshy.kz aqparat agenttigi Almaty oblysy ákimdiginiń baspasóz qyzmetine silteme jasaı otyryp. 

- «Jetisý» - tarıhy tereń, óziniń qalyptasqan dástúri bar, bazasy bar komanda. Komandanyń quramy jańa, jattyqtyrýshylar da jańardy. Biz óz tarapymyzdan qarjylandyrý máselesin tolyq sheshtik, sizder tájirıbe jınaý úshin quramaǵa qatysýǵa qajetti qoldaýlardy kórsetip otyrmyz. Infraqurylym máselesin de tolyq sheshetin bolamyz. Ótken jylǵy mindetterdi nátıjeli oryndadyńyzdar. Bul jemisti jumys - birlesken istiń qorytyndysy. Qazir Premer-lıga komandalary arasynda fýtboldan el Chempıonaty bastaldy. Jankúıerler osy jańa kezeńde de sizderden kórnekti oıyn kútedi. Kóp nárse sizderdiń kóńil kúılerińizge, tájirıbelerińiz ben erik-jigerlerińizge baılanysty, - dedi A. Batalov sportshylarǵa qarata.

Sóz alǵan komandanyń bas jattyqtyrýshysy Dmıtrıı Ogaı oblys basshylyǵyna sportshylarǵa kórsetken qoldaý sharalary úshin alǵysyn bildirip, búgingi kúni «Jetisý» fýtbol komandasynda eshqandaı másele joq ekenin aıtty. Komandanyń kóńil kúıi de, moraldyq-psıhologıalyq klımattyń da jaqsy ekenin jetkizdi.

- Bizge únemi qoldaý kórsetip, barlyq jaǵdaıdy jasap otyrsyzdar. Biz óz tarapymyzdan alǵa qoıǵan mindetterdi, júktelgen jaýapkershilikti abyroımen atqarýǵa bar kúsh-jigerimizdi salatyn bolamyz, - dedi D. Ogaı.

Komanda kapıtany Serik Saǵyndyqov oıynshylar atynan aldaǵy saıystarda jankúıerlerdi qýantýǵa baryn salatyndaryn aıtty.

Kezdesý sońynda komandanyń barlyq músheleri men jattyqtyrýshylarǵa sáttilik tilegen oblys ákimi A. Batalov jeńiske jetýge fýtbolshylardyń barlyq múmkindikteri bar ekenin eske salyp: «Fýtbolǵa salǵan qarjy, barlyq kúsh-jigerimiz, ben talpynystarymyzdy aqtańyzdar, sizderdi zor senim údesinen shyǵady degen oıdamyz», - dedi.

Munan keıin komanda atynan oblys ákimine klýbtyń 7-shi nómirli fýtbolkasy men fýtbol doby usynyldy.