Almaty oblysynda para alǵan mektep dırektory men muǵalim 3, 5 jylǵa sottaldy, dep habarlaıdy QazAqparat.

İle aýdandyq soty Chapaev aýylyndaǵy mekteptiń eks-dırektory B. men Japek batyr aýylynyń burynǵy muǵalimi A.-ny QR QK-niń 24-baby 3-bóligi jáne 366-baby 2-bóligi boıynsha kináli dep tanydy. İs materıalyna sáıkes, mektep dırektory pedagogty jumysqa qabyldaý úshin 160 myń teńge para alǵan.

Ol bul qomaqty qarjyny Japek batyr aýylynyń ózge muǵalimi arqyly alǵany anyqtaldy. Sot sheshimine sáıkes, sottalýshylar memlekettik qyzmette jumys isteý quqyǵynan ómir boıyna aıyryldy.

«Sondaı-aq sot úkimimen B. men A. kináli dep tanylyp, 3 jyl 5 aıǵa bas bostandyqtarynan aıyryldy. Olardyń dúnıe-múlki tárkilenbeıdi. Úkim zańdy kúshine engen joq», - delingen Almaty oblystyq sotynyń habarlamasynda.