Búgin Taldyqorǵan qalasyndaǵy «Iman» meshitiniń bastamasymen jáne oblys ortalyǵyna qarasty eldimekenderdegi jamaǵattardyń uıytqy bolýynyń arqasynda «Jetisý járdemi» atty qaırymdylyq kerýeni Aıagóz aýdanyna attandy. Jetisý jurtshylyǵy sýdan zardap shekken Shyǵys Qazaqstan oblysyna 16 tonnaǵa jýyq azyq-túlik jáne kıim keshek syndy turmysqa kerekti zattardy jiberdi.

Apat aıtyp kelmeıdi. Kóktem ýaqytynda kún jylynyp, qardyń erýine baılanysty SHQO-ǵy Aıagóz aýdanyn sý basyp, áp sátte halyqtyń berekesin qashyrdy. Búginde tosynnan kelgen apattan abdyrap qalǵan halyqtyń jaǵdaıy múshkil desek artyq aıtpaǵanymyz. Osyny eskergen Jetisý jamaǵaty bir kisideı atsalysyp, qaırymdylyq kerýenin attandyryp otyr.

Almaty oblysynyń turǵyndary Shyǵys Qazaqstan oblysynda sý tasqynynan zardap shekken azamattarǵa 16 tonnadan astam gýmanıtarlyq júk jóneltti.

«Biz Shyǵys Qazaqstan oblysynda sý tasqynynan zardap shekkenderge kómek kórsetý jónindegi bastamany áýelden-aq bastaǵan edik. Sonyń arqasynda «Jetisý járdemi» aksıasyna oblystyń kóptegen turǵyndary úlesterin qosty. Azyq-túlik pen kıim-keshek, birinshi kezekte qajetti dúnıeler, qurylys materıaldary jınaldy. Mysaly dúkenderdiń biri 500 myń teńgeden astam taýar jınap berdi»,-dedi Qazaqstan musylmandary dinı basqarmasynyń Taldyqorǵan óńiri boıynsha ókili Ardaq Núsiphanuly.

Ardaq Núsiphanulynyń sózine súıensek, aıaq kıim satatyn bir saýdagerdiń ózi 30-40 danaǵa deıin sý jańa aıaq kıimderin ákelip bergen. Sondaı-aq, jınalǵan zattardyń ishinen qurylys materıaldaryn da keziktirýge bolady. Máselen, bir qurylys dúkeniniń ıesi quny 547 myń teńge turatyn jerge tóseletin lınoleýmyn qaıyrymdylyq kerýenine qosyp otyr.

«Aıagóz aýdanyn sý basqan sátte bizge Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń atynan shuǵyl hat keldi. Onda sýdan zardap shekkenderge kómek qolyn sozý kerektigi aıtylǵan. Sol kezden bastap barlyq áleýmettik jelilerde habarlandyrý jarıalap, dereý iske kirisip kettik. Biz osy kezde halyqtyń yqylasyna tań qaldyq. Keıbir adamdar qol ushyn sozý maqsatynda ústindegi kımin sheship bergenderi de boldy», — dep qosa aıtyp ótti Taldyqorǵan óńiriniń bas ımamy Ardaq Orazbaev.

Oblys turǵyndary barlyǵy 16 tonnadan astam azyq jınap, 3 mıllıoannan astam teńgege qaıyrymdylyq jasady.

Jalpy, búgin Taldyqorǵan óńirinen 10 tonnaǵa jýyq, al, Aqsý, Sarqan jáne Alakól aýdandarynan qosymsha taǵy 6 tonna zattaı kómek qosylyp, jolǵa shyqty. Ókil ımam «Jetisý járdemine» qarjylaı kómekteskenderdiń de qatary kóp ekenin aıtady. Kóp túkirse kól bolady demekshi, qaıyrymdylyq sharasynda 3 mılıon teńgeniń ústinde qarjy jınalǵan. «Biz osy isti qolǵa alǵan sátte nıet tanytyp, tamshydaı bolsa da óz úlesterin qosý maqsatynda 200-400 teńge ákelip bergen azamattar da boldy. Iaǵnı, árkim jaǵdaıyna qaraı kómekterin berip jatty. Qarıalarymyz zeınetaqylarynan 5000 teńgesin syndyryp, úlesterin qosyp jatyr. Osy aǵaıyndarǵa Alla razy bolsyn!», — deıdi A.Orazbaev.

«Jınalǵan qarjyǵa biz Aıagózde sý tasqynynan eń kóp zardap shekken otbasyna shaǵyn da bolsa baspana alyp berý qajet dep sheshtik. Buǵan qosa, Aıagózde 350 adamǵa arnalyp, qaıyrymdylyq as beriledi»,-dep qosty A.Núsiphanuly.

Meshit jamaǵaty osy qarajatqa Aıagóz aýdanyndaǵy turmys tómen bir otbasyna úı alyp berýdi kózdep otyr. Aıtýlarynsha, generique cialis ol jaqtaǵy ortasha baǵadaǵy úıdiń quny úsh nemese úsh jarym mıllıon teńgeniń tóńireginde eken.

«Dinı basqarmamyz bul qaırymdylyq kerýenin jiberýdi SHQO-na jaqyn ornalasqan óńirlerge tapsyrǵan bolatyn. Alaıda, Ońtústik Qazaqstan oblysy jáne Astana men Almaty qalasy eshqandaı tapsyrma almastan ózderi nıet tanytyp, olar da kerýenderin attandyryp otyr. Qaırymdylyq kórsetý — bizdiń qanymyzda bar qasıet. Ony bergen adamda da, alǵan adam da qýanady», — deıdi ókil ımam.

Baıken Sadaýaqasov, Taldyqorǵan qalasynyń turǵyny, meshit jamaǵaty:

— Mine, Taldyqorǵan óńiriniń bas ımamy Ardaq ustazymyz bastap, ol kisini barlyq meshit jamaǵaty biraýyzdan qoldap sýdan zardap shekken aǵaıyndarǵa qoldan kelgenshe qómek qolyn sozyp jatyr. Nıet tanytqan barlyq baýyrlarymyzǵa Alla razy bolsyn. Apat aıtyp kelmeıdi. Bul da bir Allanyń bizge jibergen synaǵy dep bilemiz. Tek, soǵan sabyr qalyp, moıynsyna bilýimiz kerek. Osyndaı qıyn qystaý kezeńde bir-birimizge tireý bolyp, kómektesip jatsaq — qazaqtyǵymyzdyń, musylmandyǵymyzdyń nyshany dep bilemin.

Ardaq Núsiphanuly osy sharaǵa bir kisideı atsalysqan barlyq meshit jamaǵatyna jáne habarlandyrýdy jarnamalap, elge jetkizip otyrǵan BAQ ókilderine, blogerlerge shynaıy alǵysyn bildirdi.