Qyrǵyzstannyń ishki ister mınıstrligi Rázan oblysynda Reseı polısıasy jáne mıgrasıalyq qyzmetimen birlesken operasıa júrgizilgenin málimdedi. Naýryz aıynda Rázanda tigin fabrıkasy qojaıyny 13 Qyrǵyzstan azamatynyń tólqujatyn alyp qoıyp, quldyqta ustap otyr degen aqparat alǵan, dep habarlady centralasian.org.   

İİM habarlaǵandaı, "Fevral" dep atalatyn tigin kompanıasyna Reseı jáne Vetnam azamaty basshylyq etken. Onda ár elden kelgen júzge jýyq adam jumys istegen. Solardyń ishinde 13-i Qyrǵyzstan azamaty bolǵan. Olardy Bishkektegi "Bereket" bazary janynda deldal arqyly tapqan. Deldal da qyrǵyz azamaty bolǵan.

 

Túski úziliske tek 40 mınýt bergen. Sol ýaqytta olar ózderi tamaq daıyndap úlgerýi tıis bolǵan. Eger úlgermese, 5 myń rúbl aıyppul salǵan. Eńbek aqylaryn da ýaqytynda tólemegen.

Jumysshylardyń aıtýynsha, kóbi jumystan ketpek bolǵan, biraq olardy sehta kúshtep ustap otyrǵan. Qyrǵyzstan azamatynyń biri shydamaı, kóktamyryn kesken. Áriptesteri jedel-járdem shaqyrýdy talap etken. Biraq seh qojaıyny dáriger shaqyrýdyń ózi aqyly dep talap qoıǵan.

Reseıde "Fevral" jetekshilerine qarsy qylmystyq is qozǵaldy.