Ninety One tobynyń ánshisi «Nur Otan» partıasyna qarasty «Jas Otan» jastar qanatynyń IV sezinde Q-Pop mýzykalyq janryn qoldap pikir bildirdi.

«Óz áriptesterimniń atynan jınalǵan qaýymnyń aldynda pikir bildirý múmkindigi berilip turǵanyna qýanyshtymyn. Birden saýalǵa kósheıik: mýzyka degen ne? Bul suraqtyń jaýabyn tapqan meniń ómirim túbegeıli ózgerdi. Men Ninety One tobynyń ánshisi boldym. Alaıda top qurylǵaly qıyndyqtar men túsinispeýshilikter kóbeıip ketti. Elimizdiń kóp qalalary bizdiń óner kórsetýimizge qarsy boldy. Biz XXI ǵasyr men qazaq mentalıteti sáıkes kelmeıtin stereotıppen toǵystyq», - dedi Dýlat Muhametqalıev.

Ol batys mádenıetin mysalǵa alyp, jastardyń talaby men qalaýyna toqtalyp ótti.

«Biz mádenıetimizdiń saqtalǵanyn, ári álemge unamdy bolǵanyn qalasaq, jastardyń qalaýyna júgingenimiz abzal. Mádenıetimizdi zamanaýı trendke qaraı burýymyz kerek. Ninety One búginde Q-Pop stıline baǵyt aldy, ondaǵy maqsaty – qazaqtyń baı tilin álemge tanytý. Bizdiń ánder latynsha shyǵyp, shet eldik tyńdarmandarymyz paıda boldy. Olar tilimizdi úırenip, qazaq tilinde vıdeo habarlama jiberetin boldy», - dedi ánshi.

Ánshiniń aıtýynsha, Ońtústik Koreıada K-Pop-qa memlekettik dárejede qoldaý tanytady ári K-Pop arqyly memleketke jylyna bes mıllıard dollar kóleminde tabys túsedi. Muhametqalıev osy janr arqyly Qazaqstannyń da dál sondaı tabys kózine kenelýi múmkin ekenin jetkizdi.