Qazaqtildi basylym mamandarynyń bilimin arttyryp, salalyq jýrnalısıkaǵa beıimdeý jáne ózekti taqyryptar tóńireginde talqylaý alańyn keńeıtý maqsatynda «Egemen Qazaqstan» gazetiniń janynan qurylǵan «Egemen akademıasy» búgin jumys bastaıdy, dep habarlaıdy Qamshy.kz aqparat agenttigi.

Júz jylǵa jýyq tarıhy bar basylymdaǵy tájirıbeni jas jýrnalısermen bólisip, aqparat salasyna bilikti mamandar daıyndaýǵa úles qosýdy kózdegen jobada ár kýrs úsh aı ýaqytty qamtıdy. Aptasyna bir ret bolatyn dáristi basylym qyzmetkerlerinen bólek arnaıy spıkerler de júrgizedi. Stýdentter bilikti mamandardyń dárisin tyńdaı otyryp, maqala jazý, hat qorytýdan bastap, basylymnyń baspahanadan shyǵýyna deıingi prosesimen jan-jaqty tanysady. Sabaqtar boıynsha tanymdyq maqala, esse jáne saraptamalyq materıal jazǵan belsendi qatysýshylarǵa kýrs aıaqtalǵan kezde arnaıy sertıfıkattar tabystalady.

Alǵashqy maýsymda taqyryp tańdaý, taqyryp qoıý, zertteý maqalasyn jazý, saraptamalyq maqala jazý, mátindi óńdeý, suhbat alý, fotojýrnalıstıka, betteý sekildi taqyryptar qamtylady.

«Egemen akademıasy» úzdiksiz qyzmet etedi. Onyń sharalary Egemen.kz saıtynda jáne áleýmettik jelilerde tikeleı efırde kórsetiledi.

Búgingi taqyryp – «Baspasózge kirispe». Akademıanyń alǵashqy dárisin bas basylym basshysy Darhan Qydyráli júrgizedi.

Ýaqyty: 2018 jyly 29 naýryz, saǵat 17:00-de.

Saıt: www.egemen.academy

e-mail: academy@egemen.kz

Tel.: +7 7172 375680 

         +7 7172 37 60 74