Almaty qalasy boıynsha memlekettik kirister departamenti Darhan shaǵyn aýdanyndaǵy úılerdiń birinde tintý jumystaryn júrgizý barysynda belgili markaly soıa tuzdyǵyn jasaıtyn astyrtyn jumys istep jatqan sehty tapty, dep habarlaıdy Qamshy.kz aqparat agenttigi Almaty qalasy boıynsha kirister departamentiniń baspasóz qyzmetine silteme jasap.  

«Seh ıelerinen 33 744 daıyn soıa tuzdyǵy,   930 000 qaqpaqqa jabystyrylǵan taýar belgisi beınelengen qaǵaz, 524 172 bótelkedegi qaǵaz, 14 400 bos plasmassa bótelke, 672 672 bótelke qaqpaǵy, «Amoy» taýar belgisi jabystyrylǵan 1800 qorap, soıa tuzdyǵyn óndirýge arnalǵan qurylǵylar tárkilendi» delingen vedomstva habarlamasynda.

Jertóleni jalǵa alýshy soıa tuzdyǵyn óndirýge qajettiniń barlyǵyn ınternet arqyly satyp alǵan.

Almaty qalasy boıynsha memlekettik kirister departamenti zańsyz sehtiń jumysy týraly qaladaǵy bazarlardyń birinde júrgizilgen tekserý jumystarynyń nátıjesinde bildi. Sol ýaqytta satýshylardan 6 864 quty soıa tuzdyǵy tárkilengen.