WBA Super, WBC, IBF jáne IBO nusqalary boıynsha orta salmaqtaǵy álem chempıony Gennadıı Golovkın (37-0-1, 33 KO) Saýl Alvarespen remachtyń bolmaýyna qaramastan, 5 mamyr kúni judyryqtasady, dep habarlaıdy Sports.kz-ke silteme berip Qamshy.kz aqparat agenttigi.

«Men Las-Vegastaǵy «Sınko de maıoda» óz tıtýldarymdy qorǵaıtyn bolamyn. Resmı habarlama taıaýda bolady!» - dep jazdy Golovkın Tvıtterde. Nevada shtaty Atletıkalyq komısıasy «Kanelo» isi boıynsha áli sheshim shyǵarǵan joq, biraq soǵan qaramastan onyń komandasy 5 mamyrdaǵy remachtan bas tartqan - bul jekpe-jektiń bolmaıtyny resmı túrde málimdeldi. Golovkınniń kelesi aıqasy T-Mobile Arena-da emes, MGM Grand Garden Arena-da ótpek. Onyń áleýetti qarsylastarynyń tiziminde - Hılberto Ramıres (37-0, 25 KO), kishi Hýlıo Sesar Chaves (50-3-1, 32 KO), Gerı O'Sallıvan (27-2, 19 KO), Demetrıýs Andrade (25-0, 16 KO) jáne Sergeı Derevánchenko (12-0, 10 KO) bar. Sondaı-aq, bul tizimde Bıllı Djo Sonders (26-0, 12 KO) pen Denıel Djeıkobs (33-2, 29 KO) kandıdatýralary da usynylǵan edi, alaıda olar bolmaıtyn boldy.