YouTube-tiń shtab-páterinde áıel adam qarýdan oq jaýdyryp, úsh adamdy jaraqattaǵan. Keıin óz-ózine qol salǵan, dep habarlaıdy Qamshy.kz aqparat agenttigi  lenta.ru caıtynyń  deregin negizge ala otyryp. Zardap shekken úsh adam San-Fransıskodaǵy Sýkerberg gospıtaline jetkizilgen. 

Sondaı-aq, 32 jáne 27 jastaǵy eki áıel jaraqattanǵan. Dárigerlerdiń aıtýy boıynsha, olardyń jaǵdaıy aýyr jáne ortasha aýyr. San-Brýno polısıa bastyǵy Ed Barberını ofıserlerdiń oqıǵa ornyna jergilikti ýaqytpen saǵat 12:48-de jetkenin málimdedi.

Polıseılerdiń aıtýynsha, oqıǵa ornynda alasapyran bolyp, kóp adam qashyp qutylǵan. Ofıserler birneshe mınýt ótkennen keıin ózin-ózi atqan áıel adamnyń denesin tapqan. 

Sondaı-aq oqıǵa ornynan qashyp bara jatyp jaraqat alǵan bir adam aýrýhanaǵa jetkizilgen. Kúdiktiniń qolynda tapansha bolǵan. Alaıda ázirge onyń kim ekeni habarlanǵan joq. YouTube shtab-páterinde 1700 adam jumys isteıdi. Kompanıa Google-ǵa tıesili jáne sol aýdandaǵy iri kompanıa sanalady.