Qytaıdyń Gýanchjoý qalasynda 26 jastaǵy qazaqstandyq kóz jumdy, dep habarlaıdy QazAqparat.

Jas jigit 4 sáýirde qaıtys boldy. Aldyn ala aqparat boıynsha, onyń júregi toqtap qalǵan.

Dostarynyń málimdeýinshe, ol úıge fýtbol oınap kelgennen keıin esten tanyp qalǵan kórinedi. Jedel járdemdi marqum bolǵan jigit jaldap turyp jatqan páterdiń ıesi shaqyrdy. Medısınalyq qyzmetkerler brıgadasy 10 mınýttan keıin jetip, onyń qaıtys bolǵanyn aıtty.

«Qazirgi ýaqytta bizdiń dıplomattar bul azamattyń týystarymen sondaı-aq, Gýanchjoý qalasy quqyq qorǵaý organdarymen baılanysta. Jaqyn kúnderi máıitti Qazaqstanǵa jetkizý boıynsha qajetti rásimderdi jasaý úshin Gýanchjoýǵa konsýl baratyn bolady», - delingen QR SİM baspasóz qyzmetiniń habarlamasynda.