8 sáýirde, jeksenbi kúni Almaty oblysynda jol apatynan er adam kóz jumdy. Ázirge marqumnyń jeke tulǵasy anyqtalmaǵan. Bul týraly Qamshy.kz aqparat agenttigi zakon.kz-ke silteme berip habarlaıdy.

Jol-kólik apaty Qapshaǵaı tas jolynan 20 shaqyrym jerde bolǵan. Toyota Windom markaly avtokóligi qarańǵyda tıisti emes jerden joldan ótip bara jatqan er adamdy qaǵyp ketken. Kólik ıesiniń aıtýyna qaraǵanda, ol tas jol boıymen 140-150 km/saǵ jyldamdyqpen kele jatqan. Jol jaryq bolmaǵan soń jaıaý júrginshini baıqamaı qalǵan.

Soqqynyń kúshti bolǵany sonshalyq, er adamnyń denesi 60 metrge deıin ushyp, qarsy jolǵa shyǵyp ketken. Júrgizýshiniń sózinshe, jaıaý júrginshini taǵy 1-2 kólik basyp ótken.  Marqumnyń basy myjylyp, sol aıaǵy julynyp ketken. Jol apaty boǵan jerden denesi 60 metrge, aıaǵy 100 metrge deıin ushyp ketken. Qazirgi ýaqytta bolǵan oqıǵaǵa qatysty polısıa tergeý júrgizip jatyr.