Orta salmaqta WBA Super, WBC, IBF jáne IBO tujyrymdary boıynsha álem chempıony Gennadıı Golovkın meksıkalyq Saýl "Kanelo" Alvares 5 mamyrǵa josparlanǵan kezdesýden bas tartqannan keıin BAQ aldynda tuńǵysh ret suhbat berdi  dep habarlaıdy Vesti.kz-ke silteme berip Qamshy.kz aqparat agenttigi.

Bul týraly TalkSport.com sport saıtynyń redaktory Maıkl Benson Twitter jelisinde bylaı dep jazdy: "Golovkın" "Kanelo" revanshtan bas tartqannan keıin BAQ aldynda tuńǵysh ret sóıledi: "Ótinemin, "Kanelony" umytyńyzdar. "Kanelo" - eshkim emes".

Eske salaıyq, 4 sáýirge qaraǵan túni baspasóz máslıhaty ótip, onda Saýl "Kanelo" Alvarestiń múddesin qorǵaıtyn Golden Boy Promotions promoýterlik kompanıasy meksıkalyqtyń resmı túrde bas tartýyna baılanysty 5 mamyrǵa belgilengen jekpe-jegi ótpeıtinin málimdegen edi. Alaıda Golovkın 5 mamyrda  kezdesý ótkizetinin aıtqan bolatyn. Qazirgi ýaqytta kezdesýdiń Las-Vegastaǵy MGM Grand arenasynda ótetini belgili. Alaıda onyń  qarsylasy ázirge belgisiz.