Hımıalyq qarýǵa tyıym salý uıymy dúısenbide Dýma qalasyna jasalǵan shabýyl jaıynda qajetti aqparat jınap júrgenin málimdedi.

Derekterge súıensek, senbidegi shabýyl saldarynan ondaǵan adam kóz jumǵan. Uıym basshysy Ahmet Ýzýmký 7 sáýirde Dýmaǵa jasalǵan shabýylǵa alańdaýshylyq bildirip, ýly zattardyń jahandyq baqylaýǵa alynǵanyn málimdedi.

Senbidegi shabýyldyń salarynan 60-qa jýyq adam qaza bolyp, myńdaǵan adam jaralandy. Bul týraly Sırıa medısınalyq kómek toby habarlaǵan. Medısınalyq uıym odaǵynyń derekterinde qaza tapqandardyń sany artyp kele jatqany aıtylǵan. «Zardap shekkenderdiń sany artyp keledi. Qyzmetkerler júzdegen adam tyǵylyp úlgergen jer asty aýdandarǵa kirip, kómek kórsetken», - delingen málimdemede.

Sırıa opozısıasy Bashar Asadtyń bılik kúshin ondaǵan adamǵa ajal qushtyrǵan hımıalyq qarýdy qoldandy dep aıyptady. AQSH prezıdenti Donald Tramptyń málimdeýinshe, hımıalyq shabýylǵa Reseı men Irandy aıyptap, ótemi aýyr bolatynyn eskertti.