Búgin Almaty óńirlik garnızony Áskerı polısıa jasaǵynyń sybaılas jemqorlyqqa qarsy áreket etý bóliminiń qyzmetkerleri Almaty qalasy Bostandyq aýdanynyń qorǵanys isteri jónindegi basqarmasynyń jeke quramy arasynda QR «Sybaılas jemqorlyqqa qarsy is-qımyl týraly» zańyn túsindirý boıynsha sabaq ótkizdi. Sabaqtyń maqsaty – sáýir aıyna arnalǵan negizgi is-sharalar josparyn iske asyrý, quqyq buzýshylyqty anyqtaý, ashý, eskertý jáne aldyn-alý sharalaryn oryndaý, dep jazady Qamshy.kz aqparat agenttigi.
Sonymen qatar memleket basshysy N.Á. Nazarbaevtyń 2012 jylǵy 14 jeltoqsandaǵy «Tártipsizdikke nóldik tózimdilik» prınsıpin júzege asyrý, ybaılas jemqorlyqqa qarsy zańnamanyń oryndalýyn baqylaý jáne boldyrmaý joldaryn ádilet aǵa leıtenanty Saýryq túsindirdi.
Qarýly Kúshterde sybaılas jemqorlyqtyń aldyn alý boıynsha aı saıyn túsindirý jumystary júrgiziledi. Aıta ketsek, Almaty qalasy Bostandyq aýdanynyń qorǵanys isteri jónindegi basqarmasy men Almaty óńirlik garnızonynyń Áskerı polısıa jasaǵy óte tyǵyz baılanys ornatyp, birlese qyzmet qylyp jatyr.
Almaty óńirlik garnızony Áskerı polısıa jasaǵynyń garnızondyq deńgeıdegi sharalardy uıymdastyrýǵa qatysý, dala jattyǵýlary ótkiziletin aımaqta komendanttyq qyzmetti qamtamasyz etý, uzaq jolǵa áskerı tehnıkany jetkizýge kómektesý, qyzmet ornyn óz erkimen tastap ketken áskerıdi izdeý jáne taǵy da basqa mańyzdy jumystarǵa tartylmaǵan áskerı polısıa qyzmetkeri kemde-kem shyǵar. Áskerı polısıa qyzmetkeri áskerdegi tártip pen talaptyń, tálim men tárbıeniń úlgisi bola bilýi kerek. Qurylǵanyna 21 jyl bolǵan áskerı polısıanyń basty maqsaty - áskerılerdiń quqyǵy men zańdylyq múddesin qorǵaý. QR QK áskerı polısıasynyń jeke quramy óz kúshi men múmkindikterine qaraı jáne zańdarǵa súıene otyryp, elimizdiń odan ári ósýi men órkendeýine baǵyttalǵan normatıvti aktilerdi, ózge jetekshi qujattardy, Konstıtýsıanyń barlyq aspektilerin júzege asyrý.
AÓG ÁPJ-niń qyzmettik-izdeýshi ıtteri kez-kelgen obektini qyzmettik-izdeýshi ıtterdi paıdalaný arqyly kúzetýdiń senimdiligin arttyrýda mańyzdy qural bolyp tabylady. «Salı» jáne «Zara» laqap atty ıttermen jumys isteý arqyly kórsetilim sabaqtary ótti, onda kınolog mamandar – kishi serjant Marat Mýkanaevtyń jáne efreıtor Nýrahmed Imangalıevtiń mindeti májilis zalynda oqýshylar jasyrǵan rekvızıtterdi ıtpen izdep tabý boldy.
Itter jiti kórý, kúshti estý jáne óte jaqsy ıis sezý qabiletimen erekshelenedi. Qazaqstannyń áskerı polısıasynyń kınologtary jáne olar úıretken ıtter túrli baıqaýlar men jarystardyń nátıjeleri boıynsha eń úzdikterdiń qatarynda ekenin esterińizge sala ketkendi jón kórdik.
