Ázerbaıjan prezıdenti saılaýynda qazirgi prezıdent Ilham Álıev alda keledi. Ekzıt-polldyń málimeti boıynsha, Alıev saılaýshylardyń 86 paıyz daýysyn alǵan.

Aldyn ala málimet boıynsha, saılaýǵa 70 paıyz adam qatysqan.

El opozısıasy saılaýǵa boıkot jarıalady. Sebebi Konstıtýsıaǵa sáıkes, saılaý jarty jyldan keıin ótýi tıis bolǵan. Opozısıa ókilderi saılaý merzimin aýystyrý arqyly prezıdentke naǵyz básekelesterdi halyqpen kezdesýge kedergi keltirdi dep esepteıdi.

2016 jyly Ázerbaıjanda Konstıtýsıaǵa ózgerister engizý jóninde referendým ótti. Prezıdent merzimin bes jyldan jeti jylǵa deıin uzartty. Qazirgi prezıdent burynǵy prezıdent Geıdar Álıevtiń uly. Ilham Álıev ákesiniń murageri bolyp, taqta 15 jyldan beri otyr.