Túrkimenstanda endi jasy otyzǵa tolmaǵan er azamattar shetelge shyǵa almaıdy dep habarlady Dashogýs oblysyndaǵy mıgrasıa qyzmetiniń ókili Azattyqtyń túrkimen qyzmetine.
Derekkózdiń málimetine qaraǵanda, sheneýnikter mundaı sheshim azamattardyń qaýipsizdigine baılanysty qabyldanyp otyr degen.
«Shetelge shyqpaq bolǵan meniń 27 jasymdaǵy tanysymdy oblystyq mıgrasıa qyzmeti shaqyryp alyp, onyń jol bıletin tartyp aldy. Oǵan Ashhabadtan jasy otyzǵa tolmaǵandardy shetelge jibermeı týraly buıryq kelgenin aıtqan», - deıdi derekkóz.
Onyń sózinshe, tanysyna bılettiń qunyn ótep bergen.
Sońǵy aılarda azamattardyń Túrkıaǵa shyǵýy qıyndap ketken. Sonymen birge shetelde jumys istep júrgen azamattar men oqyp júrgen stýdentterdi elge qaıtarý máselesi qazir qolǵa alynǵan kórinedi.
