AQSH-tyń burynǵy prezıdenti úlken Djordj Býshtyń áıeli Barbara Býsh 92 jasynda kóz jumdy, dep habarlaıdy Qamshy.kz aqparat agenttigi sheteldik BAQ-qa silteme jasap. 

Býshtar otbasynyń resmı ókili Djım Makgrat Býsh hanymnyń qaıtys bolǵany týraly Týıtter paraqshasyna jazǵan.  Barbara Býsh júrek jáne ókpe aýrýlarynan zardap shekken. Sonymen birge AQSH-tyń eks-birinshi hanymy densaýlyǵynyń nasharlaýyna qaramastan dárigerdiń kómegine júginbeı, sońǵy kúnderin otbasymen ótkizgen.

Onyń artynda alty balasy, 17 nemeresi, jeti shóberesi qaldy. Jerleý rásimi aldaǵy senbide ótedi. Sheteldik BAQ-tyń aqparyna súıensek,  Barbara Býsh AQSH-tyń birinshi hanymy retinde erekshe tanymal bolǵan. Onyń shashy erekshe bolǵandyqtan kópshilik ony «kúmis túlki» dep te ataǵan. Tipti, 1989-1993 jyldary prezıdent bolyp otyrǵan kúıeýinen de tanymalyraq ekenin kórsetken.