Elimizde 18 jasqa tolmaǵan qyzdardyń júkti bolyp qalýy jıilep ketken. Ońtústik óńiri bul turǵyda kósh basynda tur.
Statısıkany sóıletsek, atalǵan ólkede byltyr 853 jetkinshek mektep qabyrǵasynda júrip júkti bolyp qalǵan. Onyń basym bóligi qarakózder. Bir aınaldyrǵandy shyr aınaldyrady. Sondaı jandardyń biri Aıman. Ana atanǵanyna 8 aıdan asypty. Jasóspirim 14 jasynda ot basqan. Ózinen eki jas úlken bozbala bul týraly eshkimge tis jarmaýdy buıyryp qorqytqan kórinedi. Araǵa az ýaqyt salyp, aıaǵy aýyr ekenin bilgen. Ata-anasy súıekke tańba bolmasyn dep, úıinen qýyp jibergen. Sodan beri 16 jasar qyzdyń kórmegen quqaıy joq.
"Eki kún kóshede panaladym. Bireýge bala kútýshi bolyp jumys istedim. Sol úıde tolǵattym. Perzenthanaǵa baryp, ol jerge aldap kirdim. 94-shi jylǵymyn, 98 jylǵy ekenimdi aıtqan joqpyn. Bosanyp bolǵasyn ǵana dárigerler men týraly málimet bildi. Ata-anam menen bas tartty", - deıdi jas ana Aıman.
Qazir Aıman "Ana úıine" nárestesimen birge jaıǵasqan. Ol jerde jas ananyń barlyq jaǵdaıy jasalypty. Materıaldyq qajettiliginen bólek, sóz demeý beretin jandar da tabylǵan. Jańa uıamen qaýyshqan Aımannyń endi óz otbasyna oralǵysy joq.
Densaýlyq saqtaý basqarmasyndaǵylardyń aıtýynsha, byltyr ońtústikte oń jaqta otyrǵan 853 jasóspirim qyz júkti bolyp qalypty. Onyń 462-si bosanyp úlgergen. Ulttyń uıytqysy sanalatyn ońtústiktegi ahýal osylaı bolsa, Qostanaıdaǵy da jaǵdaı máz emes.
"Byltyr Qostanaı oblysy boıynsha 322 jasóspirim qyz júkti bolyp qalǵan. 14 jasar qyz 20 jastaǵy jigitpen kezdesip júrgen. Bul týraly áke-sheshesiniń de habary bolǵan. Aqyrynda órimdeı qyzdyń aıaǵy aýyrlap, qolaısyz jaǵdaı týyndady. Osyǵan baılanysty 20 jasar jigittiń ústinen qylmystyq is qozǵalyp, ol jaýapqa tartyldy", - deıdi Qostanaı oblystyq prokýrorynyń aǵa kómekshisi Damır Aıshev.
Eń soraqysy osy júkti bolyp qalǵan jasóspirim arýlardyń arasynda 12 qyz jynystyq aýrý juqtyryp alypty. Quzyrlylar buǵan otbasyndaǵy tárbıe men mektep qabyrǵasyndaǵy tálimniń tómendigi sebep dep otyr. Densaýlyq saqtaý mekemeleri tarapynan júrgiziletin nasıhattyń da mardymsyzdyǵy statısıkanyń órshýine áser etken.
Qalaı degenmen de, jasóspirim arýlar arasyndaǵy ahýal ezilip jylaıtyndaı jaǵdaıǵa jetip tur. Jurtshylyq buǵan birinshi kezekte ulttyq ıdeologıanyń aqsaǵany sebep deıdi. Qyzǵa qyryq úıden tyıym salyp kelgen qazaqy mentalıtet sońǵy kezderi mánin joǵaltqan sıaqty. Buǵanasy qatpaǵan arýlardyń mektep qabyrǵasynda aıaǵy aýyrlap jatsa, aýyr kúrsinip, oılanýymyzǵa týra keledi! 7 arna
