Batys Qazaqstan oblysynyń ákimi Altaı Kólginov Terekti aýdanynda jańǵyrtýdan keıin iske qosylǵan «Terekti maı kombınaty» JSHS-ynda bolyp, ósimdik maıyn óndiretin kásiporynnyń tynys-tirshiligimen tanysty.
Terekti aýdanynyń Poıma aýylyndaǵy kúnbaǵys maıyn óndiretin kásiporynnyń irgetasy alǵash 2009 jyly qalanǵan bolatyn. Atalǵan kásiporyndy onyń burynǵy ıeleri ábden turalatyp, tıtyqtatyp tynǵany belgili. 2014 jyly jańa ınvestor tabylyp, kásiporynnyń mıllıardtaǵan qaryzyn óteý jáne óndiristi tehnıkalyq jańǵyrtý jumystary qolǵa alyna bastaǵan edi. Zaýytqa ekinshi tynys syılaǵan ınvestor «BelesAgro» kompa-
nıalar tobynyń jetekshisi Murat Jákibaevtyń aıtýynsha, jobanyń jalpy quny 2 mlrd. 300 mln. teńge, al jańǵyrtý jumystaryna 1 mlrd. 200 mln. teńge qarjy jumsalǵan.
– Jańadan ornatylǵan eýropalyq qural-jabdyqtar men zamanaýı tehnologıa óndiris kólemin eki esege arttyrýǵa múmkindik beredi. Buryn jylyna 20 myń tonna shıkizat óndirilse, qazir 45myń tonnany quraıdy. Zaýytta buryn maıly daqyldardan tek 30 paıyz ǵana maı alynatyn. Jańa jeliler 44 paıyzǵa deıin maı alýǵa múmkindik beredi. Burynǵy tórt óndiristik seh jelisi jańa tórt sehpen tolyqty. Onyń ishinde shıkizatty daıyndaıtyn, dándi syǵymdap tazartatyn, ekstraksıalaıtyn (zamanaýı jeliler bar. Dáninen ajyratylǵan kúnbaǵys qabyǵyn jaǵyp, odan bý óndiremiz. Iaǵnı, maıly daqyldan maı alý barysynda gaz nemese kómir otyny qoldanylmaıdy. Qazir alyp bý qazandyǵy qýatynyń tek otyz paıyzyn ǵana qoldanyp otyrmyz. Bolashaqta bý qoryn jylyjaı sharýashylyǵy
men qurama jem daıyndaýda paıdalanýǵa bolady, – deıdi Murat Orynbaıuly. Oblys ákimi zaýyttyń jańadan iske qosylǵan óndiristik sehtarynda bolyp, maıdy tyǵyzdaý, tazartý jáne quıý jelileriniń jumysymen tanysty. Kásiporyn basshysymen, tehnolog mamandarmen, jumysshylarmen pikirlesip, mamandardy daıyndaý, qyzmetkerlerdiń biliktiligin arttyrý, jalaqynyń ýaqtyly tólenýi jáne shıkizat alýda jergilikti taýar óndirýshilerge basymdyq berý máselelerin talqylady.
– Zaýytty óz kózimizben kórip, tanystyq. Memlekettiń qamqorlyǵymen eki jyl boıy qyrýar jumystar atqaryldy. Jańa tehnologıalar tartylyp, kóp qarajat quıyldy. Jańa jumys oryndaryn ashý, ózimizge qajet ónimdi shyǵarý, oǵan qosa eksportqa jóneltý kezek kúttirmeıtin mańyzdy máseleler. Aldaǵy ýaqytta kásiporyn júıeli jumys jasaıdy degen senimimiz mol. Bizdiń sharýa qojalyqtarymyz ekken óniminiń bárin osy jerge alyp keledi. Jumystaryńyzǵa sáttilik tileımin, – dedi zaýyt ujymymen kezdesken oblys ákimi Altaı Seıdiruly.
Qazirgi tańda zaýytta 105 adam turaqty jumyspen qamtylǵan, basym bóligi Terekti aýdanynyń Aqsýat, Poıma aýyldarynyń turǵyndary.
