Búgin Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta joǵary oqý oryndarynyń akademıalyq jáne basqarý derbestigin keńeıtý máseleleri talqylandy, dep habarlaıdy Qamshy.kz aqparat agenttigi. 

Májilis depýtattary osy zań jobasymen jumys barysynda birqatar zańnamalyq aktilerge túzetýler ázirlep, engizgen. Ol Elbasymyz usynǵan bes áleýmettik bastamany júzege asyrý maqsatynda, naqtyraq aıtqanda, úshinshi bastamada aıtylǵan «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý» jaǵdaıyny aýqymdy júzege asyrýdy kózdeıdi.

Máselen, 75 myń oryndy jańa jataqhanalarmen qamtamasyz etý úshin - depýtattar stýdentterdi jataqhanalarda oryndarmen qamtamasyz etýge arnalǵan memlekettik bilim berý tapsyrysyn ornalastyrýdy jáne jataqhana qurlysyn ınvestısıalyq basym joba retinde anyqtaýdy usyndy.

Olardyń barlyǵynyń naqty esebi jasalyp, tıisti memlekettik organdarmen jan-jaqty pysyqtalǵan.

Jalpy alǵanda, Eńbek kodeksine jáne taǵy úsh Zańǵa joǵary oqý oryndarynyń qyzmet nátıjelerin, mamandardy daıarlaýdyń sapasyn arttyrý maqsatynda túzetýler engizilgen.