2018 jylǵy 25 sáýirde Qazaqstandaǵy dinı birlestikter ókilderiniń Jıyny sheńberinde «Qazaqstan halyqynyń birligi - eldiń basty baılyǵy» taqyrybynda is-shara uıymdastyrylyp, Beıbitshilik jáne kelisim saraıy aýmaǵynda «Konfesıaaralyq kelisim aleıasyna» aǵashtar otyrǵyzyldy.

İs-shara Qazaqstan halqynyń birligi kúnine oraı, soǵan qosa Astana qalasyn kógaldandyrý jáne jańartý bastamasyn qoldaý maqsatynda jasaldy.

Atalaǵan is-sharaǵa Din isteri komıtetiniń tóraǵasy E.A. Ońǵarbaev, Astana qalasy ákiminiń orynbasary E.A. Amanshaev, Mádenıetter men dinderdiń halyqaralyq ortalyǵynyń dırektory     A.P Ábýov, Astana qalasynyń qoǵamdyq damý basqarmasynyń basshysy D.N. Esın, dinı birlestikterdiń, atap aıtqanda Qazaqstan musylmandar dinı basqarmasynyń, Qazaqstandaǵy pravoslav shirkeýiniń, Qazaqstandaǵy Rım-Katolık shirkeýiniń, Evreı qaýymynyń, Evangeldik-lúteran shirkeýiniń, Evangeldik hrıstıan-baptıster shirkeýleri Odaǵynyń, «Jetinshi kún adventısteri» shirkeýiniń, Novoapostol shirkeýiniń, Presvıterıan shirkeýiniń, Krıshna Sanasy Qoǵamynyń, Bahaı Qaýymdastyǵynyń, Isa Másihtiń sońǵy zamandaǵy áýlıeleri shirkeýiniń jáne Qazaqstan dinı birlestikteri Qaýymdastyǵynyń basshylary men ókilderi qatysty.