AQSH memlekettik hatshysy qyzmetine Ortalyq barlaý basqarmasynyń burynǵy dırektory (SRÝ) Maık Pompeo bekitildi. Onyń kandıdatýrasyn Qurama Shtattar Senaty bekitti.

Reks Tılersonnyń otstavkasynan keıin, Pompeo amerıkalyq bas dıplomat qyzmetine usynylǵan. Biraq Pompeo kandıdatýrasy demokrattar synyna ushyraǵan. Sebebi ol AQSH prezıdenti Donald Tramppen óte jaqyn qarym-qatynasta dep biledi. Olardyń deni bas dıplomat qyzmetine erkin oıly, táýellsiz adam bolýy kerek dep málimdegen. Tramptyń ózi Pompeony qyzmetke taǵaıyndaýda ýaqytty tym sozyp jiberdi dep, demokrattardy aıyptaǵan.

Pompeo bolsa, Reseıge qatysty jumsaq saıasattan bas tartyp, Máskeýge qarsy sanksıany keńeıtý kerek degen ustanymda. Atap aıtqanda, ol Reseı prezıdenti Vladımır Pýtın óziniń eline alyp derjava mártebesin qaıtarǵysy keledi dep esepteıdi.

Maık Pompeo Reseıdiń AQSH saılaýyna aralasýy - demokratıasy damymaǵan elderge avtorıtarlyq basqarý modelin nasıhattaǵysy kelgeni dep atap ótken.