KHDR men Ońtústik Koreıa prezıdenti demarkasıalyq shekaradaǵy Phanmýndjom sóılesý pýnktinde kezdesti, dep habarlaıdy Qamshy.kz aqparat agenttigi Ria.ru-ǵa silteme jasap.
Kım Chen Yn men Mýn Chje In bir-birimen qol berip amandasyp, birge sýretke túsken. Odan keıin koreı aralyq samıt ótetin ǵımaratqa barǵan.
Kım Chen Yn KHDR kelissózge tarıhtaǵy beıbitshilik pen damý jolyndaǵy jańa paraqty ashýǵa daıyndalyp kelgenin málimdegen.
Mýn Chje In Soltústik Koreıa basshysyn kelisimge kelýge shaqyrdy.
«Eger biz shynaıy suhbat júrgizsek, bul - beıbitshilikke umtylǵan ultymyz ben Jer betindegi adamdarǵa úlken syıymyz bolmaq» dedi ol.
Búgin eki eldiń qarym-qatynasyn jaqsartý joldary qarastyrylady.
Kım Chen Yn Ońtústik Koreıa shekarasyna kirgen alǵashqy KHDR prezıdenti. Eki el arasyndaǵy shekaranyń jabylǵanyna 65 jyl bolǵan.
Esterińizge sala keteıik, 21 sáýirde Soltústik Koreıa ıadroly qarý men balıstıkalyq zymyrandy synaýdy toqtatyp, Phýngerıdegi ıadroly polıgondy jabatynyn málimdegen.
