QR ulttyq ekonomıka eks-mınıstri Qýandyq Bıshimbaevtyń appelásıalyq shaǵymyn Astana qalasy sotynyń qylmystyq ister boıynsha sot alqasy 16 mamyrda qaraıdy, dep jazady Qamshy.kz aqparat agenttigi.
«Qylmystyq is Astana qalasy sotynyń qylmystyq ister boıynsha sot alqasynyń qabyldaýyna sáıkes keledi. Sot otyrysy 2018 jyldyń 16 mamyryna saǵat 10:00-de bastalady», - delingen sot alqasynyń sýdıasy Ramazanovtyń qoly qoıylǵan qujatta.
Aıta keteıik, 14 naýryzda sot Bıshimbaevty 10 jylǵa, al onyń baýyry Sultan Nurlybekti jeti jylǵa, qalǵan 21 sottalýshyny tórt jylǵa deıin bas bostandyǵynan aıyrý týraly sheshim shyǵardy. Al 17 sáýirde eks-mınıstr sot úkimine shaǵym túsirip, ózine qatysty úkimdi zańsyz ári negizsiz shyǵaryldy dedi.
