QR Úkimetiniń Qaýlysymen Mádına Serikqyzy Júnisbekova ulttyq ekonomıka vıse-mınıstri qyzmetine taǵaıyndaldy, dep habarlaıdy Qamshy.kz aqparat agenttigi QR premer-mınıstriniń baspasóz qyzmetine silteme jasap.

Mádına Júnisbekova Almaty qalasynda dúnıege kelgen. M. V. Lomonosov atyndaǵy MMÝ, Parıj I Panteon – Sorbonna ýnıversıtetin, Panteon – Assas ýnıversıtetin támamdaǵan. «Bolashaq» baǵdarlamasynyń stıpendıaty.

Eńbek jolyn 2010 jyly bastaǵan.

2010 – 2012 jyldary komersıalyq sektorda jumys istegen.

2012 – 2014 jyldary QR Prezıdenti Ákimshiliginiń Basshysy Hatshylyǵynyń ınspektory laýazymyn atqarǵan.

2014 jyly — QR Premer-Mınıstriniń keńesshisi.

2014 jylǵy maýsym aıynan bastap qazirgi tańǵa deıin QR Premer-Mınıstri Keńsesiniń Aqparattyq-taldaý ortalyǵynyń meńgerýshisi qyzmetin atqarǵan.

«Eren eńbegi úshin» medalimen marapattalǵan.