Órt sóndirý qyzmetiniń burynǵy basshysy Sergeı Genın «Zımnáá vıshná» saýda úıindegi órtti sóndirý kezinde jumysyna salǵyrt qarady» dep aıyptalyp otyr, dep jazady Qamshy.kz aqparat agenttigi. Ol tergeý ızolátorynan hat jazdy. Ony Sibir aýdandyq TJQ basapasóz qyzmeti jarıalady.

Sergeı Genın hatynda alǵys aıtady.

«Rızashylyǵymdy qalaı jetkizetinimdi de bilmeımin... Ómirde bári turaqsyz. Mundaı jaǵdaıda bolamyn dep eshqashan oılamappyn» dep jazdy órt sóndirýshi.

Sergeı Genın oǵan kórshiler men tergeý ızolátorynyń qyzmetkerleri qoldaý bilidirip otyrǵanyn da jazdy.

«Kameraǵa kirgende eseńgirep qaldym. Olar maǵan qoldaý bildirdi... Qazir jaǵdaıym túzelgen sıaqty. Ákimshiliktiń maǵan qatysty qarym-qatynasy túzý» dep jazdy Genın.

Tergeý ızolátoryndaǵy alǵashqy kúnder qıyn bolǵanyn aıtady. Ol uıyqtaı almaı biraz qınalǵan. Oǵan psıhologtar, kórshileri men ákimshiler kómektesken.

Genın hatynda jaqyn arada úıine, jumysyna oralýda qalaıtynyn jazǵan.

Tergeýshilerdiń málimetinshe, Sergeı Genınge qysqa jolmen qalaı júrýge bolatyny aıtylǵan, biraq ol qyzmetkerlerin uzaq jolmen júrýge májbúrlegen.

Esterińizge sala keteıik, 25 naýryzda 4 qabatty «Zımnáá vıshná» saýda úıinde órt boldy. 60 adam kóz jumdy. Onyń kóbi – balalar. Órtte kóz jumǵandardyń birazy joǵary qabatta ornalasqan kınoteatrdan shyǵa almaı qalǵan.