Taǵy bir terakt qurbany Maharram Dýrranı Aýǵan qyzmetine 15 mamyrdan bastap qyzmetke kirisý kerek edi. Ol radıonyń áıelderge arnalǵan baǵdarlamasynda jumys istegen. Mahharam Kabýl ýnıversıtetinde ıslam zańdylyqtary boıynsha bilim alǵan.

«Bul jantúrshigerlik jańalyq, - dedi Azat Eýropa/Azattyq radıosynyń prezıdenti Tomas Kent, - biz batyr jýrnalıserdiń, áriptesterimizdiń ólimine qatty kúızelip otyrmyz, olardyń jaqyndaryna, otbasyna qaıǵyryp kóńil aıtamyz».

Teraktiden BAQ-tyń 10 qyzmetkeri qaza tapqan. Olardyń ishinde France Press agenttiginiń fototilshisi, 1TV, Tolo News jáne Mashal TV arnalarynyń jýrnalıseri bar.

30 sáýirde Aýǵanstan astanasynda eki terakt boldy. Birinshi jarylysta AQSH elshiligi mańynda jıhadshy ózin jaryp jibergen. Oqıǵa ornyna qutqarýshylar men jýrnalıser kelgen kezde ekinshi jıhadshy taǵy bir terakt jasaǵan. Ol ózin teleoperator retinde kórsetken. Eki teraktige de jaýapkershilikti "Islam memleketi" terorıstik uıymy alǵan. Eki jarylystan keminde 30 adam qaza taýyp, 50-den astamy túrli jaraqat alǵan.