Ábil Jolamanov Mádenıet jáne óner isteri departamentiniń dırektory bolyp taǵaıyndaldy, Qamshy.kz aqparat agenttigi QR MSM baspasóz qyzmetine silteme jasaı otyryp.

QR Mádenıet jáne sport mınıstriniń buıryǵymen Jolamanov Ábil Taýfıkuly Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamentiniń dırektory bolyp taǵaıyndaldy.

Ábil Taýfıkuly Jolamanov 1970 jyly dúnıege kelgen. 1992 jyly ál-Farabı atyndaǵy qazaq ulttyq ýnıversıtetin tarıhshy mamandyǵy boıynsha támamdaǵan. Eńbek jolyn 1992 jyly Jympıty orta mektebiniń tarıh jáne qazaq tiliniń muǵalimi, dırektordyń tárbıe isi jónindegi orynbasary bolyp bastady.

1994-1999 jyldar aralyǵynda Syrym aýdany ákimi apparatynyń jastar isi, týrızm jáne sport bóliminiń meńgerýshisi qyzmetin atqardy.

1999-2000 jyldary Syrym aýdany ákimi apparatynyń uıymdastyrý jáne kadrlarmen jumys bóliminiń meńgerýshisi bolyp jumys istedi.

2002-2007 jyldar aralyǵynda Syrym aýdandyq mádenıet bóliminiń meńgerýshisi,  2007-2008 jyldary Syrym aýdandyq bilim bóliminiń meńgerýshisi boldy.

2008-2014 jyldar aralyǵynda oblystyq tarıhı-ólketaný murajaıynyń dırektory bolyp qyzmet atqardy.

2014 jyly shilde-qarasha aralyǵynda «Batys Qazaqstan Oblysy ákimdigi mádenıet, muraǵattar jáne qujattama basqarmasynyń oblystyq halyq shyǵarmashylyǵy ortalyǵy» MKQQ dırektory bolyp jumys istedi.  

2015-2017 jyldar aralyǵynda Atyraý oblysy Mádenıet, muraǵattar jáne qujattama basqarmasynyń basshy orynbasary, basqarma basshysy qyzmetterin atqardy.

2017-2018 jyldary Qazaqstan Respýblıkasy Mádenıet jáne sport mınıstrligi Mádenıet jáne óner isteri departamenti dırektorynyń orynbasary qyzmetterin atqarǵan.

Qazaqstan Respýblıkasy Prezıdentiniń Alǵys hatymen, medalimen marapattalǵan.