«Qazaqkonsert» memlekettik konserttik uıymynyń «Astana sazy» fólklorlyq ansambli men memlekettik «Forte trio» trıosy Italıadaǵy gastrólden úlken jeńispen oraldy, dep jazady Qamshy.kz aqparat agenttigi QR MSM baspasóz qyzmetine silteme jasaı otyryp.

«Qazaqkonsert» shyǵarmashylyq ujymdary «Rýhanı jańǵyrý» baǵdarlamasynyń aıasynda Qazaqstan Respýblıkasynyń Mádenıet jáne sport mınıstrliginiń qoldaýymen 2018 jyldyń 26-30 sáýir aralyǵynda Dj. Rossını atyndaǵy XV Halyqaralyq mýzykalyq baıqaýǵa qatysty. Ataýly baıqaý Italıanyń Pezaro qalasynda ótti. 

Qazaq ónerin laıyqty deńgeıde kórsete bilgen «Astana sazy fólklorlyq ansambliniń artıseri «Halyqtyq oryndaý» nomınasıasy boıynsha birinshi orynǵa ıe boldy. Italıandyq kórermen Qurmanǵazy, Ketbuǵa, Yqylas, D.Nurpeıisova, S.Turysbektiń kúılerine tamsandy. Bul kúıshilerdiń týyndylaryn A.Ormanbek, N.Iakıev, A.Omarova dombyra men qobyzda oryndady.

Talantty mýzykant M.Narbekov vıolanchelde keremet týyndylardy kórsetip, «Jeke oryndaý», D.Mırmanovamen birge «Kameralyq oryndaý» nomınasıalarynda birinshi oryndy ıelendi. Konsertte ıtalıandyq kórermenderge ataqty evropalyq kompozıtorlardyń, sonyń ishinde I.S.Bahtyń №2 súıtasyn, S.Rahmanınovtyń vıolonchel men fortepıanoǵa arnalǵan sonatasynyń III bóligin, R.Shýmannyń «Fantasıcheskıe pesy», sonymen birge «Moıseı v Egıpte» taqyrybynda túrli tamasha shyǵarmalary oryndaldy. Halyqaralyq baıqaýdyń qorytyndysy boıynsha úzdik shyqqan óner sheberi M.Narbekov Dj.Rossını atyndaǵy arnaıy syılyqtyń ıegeri atandy.

Baıqaýǵa qatysýdan tys, «Astana sazy fólklorlyq ansambliniń sheber oryndaýshylary men «Forte trio» trıosynyń ataqty artıseri «Gradara» kóne qamalynda jeke shyǵarmashylyq konsertin ótkizdi. Bul konsertte eýropalyq kompozıtorlardyń týyndylardan bólek, qazaq fólklorlyq mýzykasynyń ǵajaıyp shedevrlerin jáne A.Raıymqulovanyń «Bridge of Times» kompozısıasy sıaqty zamanaýı qazaqstandyq kompozıtorlardyń da týyndylary oryndaldy. Otandyq artıserdiń bul óneri kórermenderdi tamsandyryp qana qoımaı, qazaq ónerine degen qyzyǵýshylyqtaryn oıatty. Mýzykanttar bizdiń ulttyq ereksheligimizdi halyqaralyq mádenıetti ortada elimizdiń úzdik mýzykalyq shyǵarmalarymen kórsete bildi.  

«Qazaqkonsert» memlekettik konserttik uıymynyń jasampazdyq ujymdary ulttyq mádenıetimizdiń sheteldegi deńgeıin kóterý maqsatynda alda da álemdik arenalardy baǵyndyrý nıette. Osyndaı qazaqstandyq artıserdiń halyqaralyq baıqaýlardaǵy óner kórsetýi Qazaqstan Respýblıkasynyń Prezıdenti N.Nazarbaevtyń «Jahandyq álemdegi zamanaýı qazaqstandyq mádenıet» atty jobasynyń júzege asýyna eleýli úles bolyp esepteledi