2018 jylǵy mamyr aıynyń 8-i men 19 aralyǵynda «Rýhanı jańǵyrý» baǵdarlamasy aıasynda 71 Halyqaralyq Kann kınofestıvalinde, otandyq kınoındýstrıa ónimderi usynylatyn «Qazaqstannyń ulttyq pavılony» óz jumysyn bastaıdy. Atalǵan is-sharalar Qazaq ulttyq óner ýnıversıteti men Astananyń 20-jyldyǵyna oraı jasalǵaly otyr.
Pavılonda Halyqaralyq «Eýrazıa» kınofestıvaliniń prezentasıasy ótedi. Atap aıtar bolsaq: «Eýrazıa» kınofestıvaliniń ákimshilik basqarý tobyn, baǵdarlamasyn, qazylar alqasy múshelerin tanystyrý, Eýrazıalyq kınojobalardyń rynogyn ótkizý, otandyq fılmderdi taratý boıynsha dıstrıbúterlik kompanıalarmen kezdesý, Qazaqstan kınomektepterin tanystyrý, «Eýrazıa» HKF kartınalardy irikteý, QR kınematografısteriniń qatysýymen pres-brıfıngter jasaý jáne basqa da is-sharalardy atqarý.
Ońtústik-shyǵys Jerorta teńizi jaǵalaýynda ótetin bedeldi kınoforýmdaǵy Qazaqstannyń pavılony bıyl ekinshi ret ashylmaq. Bul jyly Qazaqstannyń jas ári talantty rejıserleriniń kóptegen fılmi birneshe konkýrstyq baǵdarlamalarǵa qatysyp otyr.
Bıyl Kann kınofestıvaliniń «Erekshe kózqaras» baǵdarlamasynda elimizdiń atynan Ádilhan Erjanovtyń «Laskovoe bezrazlıchıe mıra» fılmi, Jannat Alshanovanyń "Kones sezona" fılmi Sınefondason baǵdarlamasynda, ACID baǵdarlamasynda Olga Korotkonyń «Tak sebe zıma» fılmi qatystyp otyr. Sondaı-aq, rejıserleri Venera Qaıyrjanova men Berik Jahanovtyń qysqametrajdy «Tyǵylmaq» jáne «Asan» fılmderi Marchedufilm kınorynogy aıasyndaǵy «ShortFilmCorner» («Qysqametrajdy fılmderdiń buryshynda») kórsetiletin bolady.
Delegasıa quramynda memlekettik uıymdardyń ókilderi, shyǵarmashylyq ıntellegensıa, Qazaqstan kınosy men televızıasynyń beldi azamattary jáne Qazaq ulttyq óner ýnıversıtetiniń stýdentteri bar.
2018 jyldyń 8 mamyr kúni «Hôtel Barrière Le Majestic Cannes» qonaq úıinde ulttyq pavılonnyń ashylýyna oraı «Kanndaǵy qazaq keshi» atty resmı jıyn ótedi. Bul aıtýly keshke Memlekettik «Solıser akademıasy» orkestriniń súıemeldeýimen QR Halyq artısi Aıman Musaqojaeva men elimizdiń tanymal ánshisi Dımash Qudaıbergen jáne basqa da ánshiler óner kórsetedi.
«Qazaqstannyń ulttyq pavılony» Kann Halyqaralyq kınofestıvali aıaqtalǵanǵa deıin óz jumysyn jasap, sheteldik kınokompanıalarmen birlesip kıno óndirýge qajetti seriktesterdi tartýmen aınalysatyn bolady.
«Qazaqstannyń ulttyq pavılony» QR Mádenıet jáne sport mınıstrligi men QR Fransıadaǵy Elshiliginiń qoldaýymen ashylady.
