Astanada №61 mektepten órt shyǵyp, eki myńdaı adam evakýasıalandy. Bul týraly Qazaqstannyń tótenshe jaǵdaılar jónindegi komıteti habarlady.
Komıtettiń habarlaýynsha, órt sóndirýshiler kelgenshe mektep ákimshiligi eki myńdaı adamdy ǵımarattan shyǵarǵan, deni — balalar.
Órt týraly habar senbi kúni saǵat 13:56 kezinde túsken. Anyqtalǵandaı, Konstıtýsıa kóshesinde ornalasqan №61 mekteptiń birinshi qabatynda 10 sharshy metr jerde jıhaz órtengen.
Órt 14:11-de sóndirildi.
Oqıǵa ornyna dárigerler de kelip jetti, zardap shekkender týraly eshqandaı aqparat túsken joq.
Órt sóndirilgen soń bir saǵattan keıin balalar mektepke oralǵan.
