Whatsapp messendjerinde Instagram men Facebook vıdeolaryn kórýge múmkindik beretin  qosymsha fýnksıa paıda boldy, dep habarlaıdy Hi-Tech jańalyqtary.

Endi qoldanýshylarǵa ózge qoldanýshy jibergen vıdeony tamashalaý úshin chattan shyǵýdyń qajeti bolmaıdy. Vıdeo «sýret ishindegi sýret» rejıminde tikeleı qosymshanyń ózinde oınatylady. Qoldanýshy vıdeony kórip otyryp, sol mezgilde dostaryna jibere alady.

Jańa fýnksıa iOS jáne Android operasıalyq júıesindegi smartfon ıeleri úshin qoljetimdi. Fýnksıany qoldaný úshin qosymshanyń sońǵy nusqasyn júktep alý kerek. Bul jańartý Facebook-qa tıesili túrli servıster arasyndaǵy baılanysty jeńildetýge arnalǵan.

Osyǵan uqsas múmkindikti  Whatsapp messendjeri You Tube vıdeolary úshin byltyrǵy jyldyń qarashasynda iske qosqan bolatyn.

Sonymen qatar messendjerdyń sońǵy nusqasynda top ákimshisiniń fýnksıalary da keńeıtilgen. Endi topty qurǵan ákimshi top múshelerinen bekitken ákimshiniń basqarý quqyǵyn keri qaıtara alady jáne toptyń taqyrybyn, sýretin, top sıpattamasyn  ózgertetin  múshelerdi ózderi tańdaı alady. Bul parametrlerdi "top  baptaýlary" bóliminen tabýǵa bolady.