Joǵary deńgeıdegi kelissózderde ózbek-amerıka áriptestiginiń jaǵdaıy men bolashaǵy talqylanyp, ózekti halyqaralyq jáne aımaq máseleleri sóz bolady, dep habarlady Ózbekstan prezıdentiniń baspasóz qyzmeti.

Sonymen birge Ózbekstan basshysy Kongreste, qorǵanys mınıstrligi men AQSH memlekettik departamentinde, buǵan qosa Dúnıejúzilik bankte eki jaqty kezdesýler ótkizedi.

Resmı sapar nátıjeleri boıynsha prezıdentterdiń "Ózbekstan jáne AQSH: strategıalyq áriptestiktiń jańa dáýiriniń basy" dep atalatyn birlesken málimdemesi qabyldanyp, kóptegen qujattarǵa qol qoıylady.

3 mamyrda Ózbekstannyń syrtqy ister mınıstri Abdýlazız Kamılov AQSH-tyń respýblıkadaǵy elshisi Pamela Spratlendi qabyldady. Bul kezdesýge Senat komıtetiniń tóraǵasy Sadyk Safaev pen Strategıalyq jáne aımaqaralyq zertteýler ınstıtýtynyń dırektory Vladımır Norov qatysty.

Ózbek sheneýnikteri AQSH elshisimen birge Mırzıaevtiń Vashıngtonǵa saparyn talqylady, dep habarlady derekkóz.